Hemserekîya Konseya Rayberdişî ya KCKyî bi eşkerayîyêke çalakîyê bitesîrî yê gerîlayan ê vera artêşa tirke ya îşxalkere selam kerdî.

Eşkerayîye wina ya:

''19ê temmuza 2023yî ra nata gerîlayanê azadîye bi çalakîyanê xo kerd ke artêşa îşxalkere kişteyê zafî bidê. Bi taybetî Zap, Metîna û Avaşîn de çalakîyanê gerîlayan derbêka pîle daye artêşa îşxalkere ro. Nê çalakîyanê bitesîran ra semed sere de şerwan û fermandarê Zap, Metîna û Avaşînî ma pêro fermandar û gerîlayanê HPG û YJA-Starî fîraz kenê, çalakîyanê înan selam kenê. Reyna ma kamî ke kede daya nê çalakîyanê 19-20-21ê temmuze û tede ca girewto yew bi yewî fîraz kenê. Bi na wesîle ma Hemleyanê Cengê Xabûrî, Şehîd Savaş Maraşî û Bazanê Zagrosî û çalakîyanê nê hemleya selam kenê û embazan rê serkewtiş wazenê.

Fermandarîya Qerargehê Merkezê Pawitişê Şarî (FQMPŞ) bi terzê gerîlatîye yê stratejîk û taktîkwarîyî hêzê faşîstî yê îşxalkerî bêçare verdayî, konspetê dişmenî pûç kerdo û moralêko pîl zî dayo şarê Kurdîstanî. Coka nê çalakîyê gerîlayî zaf manadar ê. Ma Fermandarîya Qerargehê Merkezê Pawitişê Şarî fîraz kenê, selam û hûrmetê xo pêşkêşê înan kenê.

Dewleta tirke ya kolonyalîste 12ê temmuza 2023yî de vera Başûrê Kurdîstanî planê îşxalî yo newe vist dewre û bi taybetî Zap û Metîna de hêrişê hîrayî kerdî. Nê hêrişê hîra û xîretan ancî mojna ke dewleta tirke wazena Başûrî îşxal bikera. Coka çalakîyî zî tede xoverdayîşê gerîlayan yenê manaya pawitişê Başûrê Kurdîstanî. Gerîlayî her ca de destkewteyanê Kurdîstanî û şarê kurdî pawenê, seba ney şer kenê û xo ver danê. Ganî welatperwerî wayîrê nê xoverdayîşî vejîyê, vera xeta xayînan û hemkaran tewirêkê hîna xurtî bimojnê. No erkê welatperweran o. Ancax no tewirê welatperwerîye eşkeno Kurdîstanî bipawo, azad bikero û yewîya neteweyî ya Kurdîstanî bîyaro ca.

Gerîlayan reyna bi çalakîyanê xo mojna ke pê stratejî û taktîkanê xo û terzê fedayî yê Apogîrî bin nêkewenê, Kurdîstanî do tim bipawê. Gerîlayan bi nê hawayî perwerîya xo ya bi şehîdan zî eşkera kerde. No tewir tewirêko rûmetên, manadar û sereberzî yo. Ma reyna nê tewirî fîraz kenê, çalakîyanê fermandar û şerwananê HPG û YJA-Starî fîraz kenê, selam û hûrmetê xo pêşkêşê înan kenê. Ma şexsê şehîdanê Zap, Metîna, Avaşîn û Xakurê de pêro şehîdanê demokrasî û şorişî bi minet û hûrmetî yad kenê. Şexsê şehîdan de soz danê ke do ser bikewê.''