Keyeyanê Keyeyanê Hidir Çalli û Taylan Kûtlarî yê ke 10’ê Temmuze de qezaya Pulurî ya Dêrsimî de pêkewtişêk de cuya xo vînî kerde, Komeleya Heqanê Merdiman (ÎHD) ê Stenbolî de eşkerayîyêk daye û cenazeyê xo waştî.

Eşkerayîya ke parlamenterê HDP’yî yê Stenbolî Mûsa Pîroglû û Mayê Şemeyî zî tewrê ci bîyî verî avûkatanê keyeyan ra Sezgîn Ûçarî qisey kerd.  Ûçarî bala ante cenazeyê ke nêdîyenê keyeyan ser û va: ‘‘Cenazeyê ke Goristanê Garzanî ra ameyî girewtene hema nêdîyayî. No nimûneyêk o. Di mengî yo muwekîlanê ma cuya xo vînî kerde la hema cenazeyî nêdîyayî keyeyan. No cenaze rê îşkence yo. Huqûqê Tirkîya û mîyanneteweyî yeno binpaykerdene‘‘ Reyna qiseykerdxanê bînan zî polîtîkaya dişmenkî yê vera cenazeyan rexnê kerd û vat no çîyêko teberê merdimîye yo û nêno qebûlkerdene.  Bado zî eşkerayîye ame wendene û nê ameye parekerdene: ‘‘Dimayê xeberê şehdatî keyeyan pîya bi avûkatan muracatê Sazîya Tibê Edlî ya Meletî kerd û semedê DNA nimûne da.La mengêk ra dima ame vatene ke bi nimûneyê wayûbirayî nêbeno ganî dadî û babî gonî bidê. Gonîdayişê dadî û babîyan ser ra zî mengêk ravête la heme cenazeyî nêameye dayene. Nê di mangan de ma mabênê Sazîya Tibê Edlî ya Meletî, edlîyeya Dêrsimî û Sazîya Tibê Edlî ya Stenbolî de şîyê-ameyê. Xora dejê dadîyan xorî yo, na rey zî cenaze nêgiretiş xo na ser a. Ganî nê astengîye werte ra bêrê wedartene û cenazeyî ca de teslîmê keyeyan bibê .‘‘