Dîwanê Hemserekîya KONGRE-GELî bi wesîleya serrgêra Komployê 15ê Sibate ewro eşkerayîyêka nuştekîye daye.

Eşkerayîya KONGRE-GELî wina ya:

''Ma serrgêra 22. ya komployê mîyanneteweyî ya vera Rayber Apoyî de pêro hezanê ke mîyanê nê komployî de ca girewt bi nefret şermezar kenê. Ma nê komplogeran do qet xo vîrî ra nêkerê. Ma Rayber Apoyî selam kenê ke o bi xoverdayîşê xo  komplo pûç kerd û bi paradîgmaya xo ya azadîye û demokrasîyî seba şaran bi roşnîye. Ma şehîdanê ''Şima nêeşkenê roja ma tarî bikerê'', şehîdanê grevê vêşanîye û şehîdanê çalakîyan ê fedayîyan zî bi mînet û rêzdarî yad kenê.Rayber Apoyî seba şarê kurdî têkoşîn kerd û seba ci hêvîyêke viraşte. Rayber Apoyî verê polîtîkayanê asîmîlekeran girewt û bi bingeyê yewîya neteweyîye û komelkîye. Rayber Apo bi mîmarê cinîya kurde ya azade û komelê azadî.  Komplogeran waşt ke bi komployê vera Ocalanî qirkerdişê kurdan dewam bikero. Ê wazenê ke wa şarê kurdî seserra bîne zî bin bikewa. La ê do ser nêkewê.

Rayber Apo 21 serr ê ke Zîndanê Îmraliyî de xoverdayîşêko bêhempa keno. Rîxmê polîtîkayanê tecrîdî yê dewleta tirke zî Rayber Apo seba pêro dinya bi hêvî. Coka komployo ke armanc kerdêne ke şarê kurdî bivisno tênatîye û çin bikero ame pûçkerdene. Nê pêro eserê Rayber Apoyî yê. Naye ra dewleta tirke Rayber Apoyî ra terseno û ey tecrîd keno. La kerdişê îna batal ê. Fikrê Rayber Apoyî bîyî hêvî û paradîgmaya dinya ya nikayêne. Û bi nê hawayî şarê kurdî zî sînoranê welatî ra derbaz bi û dinya de warê têkoşînî de bi rayber.

Ma serrgêra 22. ya komployê mîyanneteweyî de eşkenê tecrîd bişiknê û bikerê ke Rayber Apo bi hawayêkê azadî xebatanê xo bikero. Seba naye firsendê ma estê. Dewleta tirke ya faşîste polîtîkayanê xo yê qirkerdişanê kurdan ra semed zere û teber de mîyanê têngasî û krîzî de ya. Ma emser bi şîara 'azadkerdişê Rayber Apoyî û Kurdîstanî û demokratîkkerdişê Tirkîya û Rojhelatê Mîyanênî' her warî de têkoşîn do berz bikerê.15ê Sibate de seba ke komployê mîyanneteweyî protesto bikerê roşvîrî, nuştoxî, hunermendî, ciwanî û enternasyonalîstî 4 baskan ra do rayîrî ra şorê. Ma venga şarê xo, hêzanê demokrasîyî û dostanê xo danê ke roja şemeyî tewrê rayraşîyayîş û nawnayîşê Strasbourgî bibê.''