Dîwanê Hemserekîye yê KONGRA-GELî derheqê tecrîdê serê Rayberê Şarê Kurdî Abdullah Ocalanî de eşkerayîye daye û vat bêvengîya vera bêhuqûqîye nîna qebulkerdene.

Eşkerayîye wina ya: “24 serrî yo Rayberê Şarê Kurdî Abdullah Ocalan têna yew hucre de yeno tepiştene û 28 aşmî yo tira xebere nînan girewtene. Avûkat û merdimê ci nêeşkenê ey bivînê. Bi bahaneyê kitab wend, volta eşte, ewnîya derûdormeyê xo ra tim cezaya dîsîplînî û qedexeyê pêvînayîşî yê şeş aman dîyeno ci. Îmrali de heme heqê merdiman yenê binpaykerdene la dezgehê eleqedarî yê mîyanneteweyî bêveng ê. Sebebê nê dişmenîya vera kurdan a ke şexsê fîkran û şexsê Raybe Apoyî de yena kerdene.

Caardişê dewleta tirke yê vera Rayber Apoyî çarçeweya polîtîkayanê îmha û înkarî yê vera kurdan de yê. Amerîka û Yewîya Ewropa yê ke paştî danê polîtîkaya qirkerdişî ya dewleta tirke yê vera kurdan û dezgehê mîyanneteweyî yê ke binê kontrolê înan de yê berpirsîyar ê. Xeberê tehdîtî yê vera cuya Rayber Apoyî rojdem de yê û şarê ma qesawet keno. Etbîyayîşê Rayber Apoyî sebebê estbîyayîşê şarê ma yo. Na mesele de bêvengîya dezgehanê eleqedaran ê mîyanneteweyî nîna qebulkerdene.

Ma veng danê Neteweyanê Yewbîyayeyan,Komîteya Wezîran a Ewropa, CPT, Mehkemeya Heqanê Merdiman a Ewropa, Yewîya Ewropa û Parlamentoyê Ewropa û heme dezgehanê eleqedaran ke wa wezfeyê xo bîyarê ca. Tecrîdê serê Rabey Apoyî goreyê qanûnî nîyo û gerek cade bêro wedaritene. Bêvenîya şima nînan qebulkerdene. Gerek şima hinî peynîya na bêhuqûqîya Îmraliyî bîyarî. Derheqê rewşa Rayber Apoyî de zanayîşê zelalî bidê şarê ma.

Weşî û azdîya fîzîkîye ya Rayber Apoyî destê ma de ya. Têna bi têkoşînî ma eşkenê bêvengîya mîyanneteweyî bişikinê. Hêzê ma est o ke nê bîyarê ca.  Wayîrvejîyayîşê Rayber Apoyî wayîrvejîyayîşê estbîyayîş û ameyoxê ma yê azadî yo. Na çarçewe de ma veng danê şar û dostanê xo ke wa her cade bi çalakîyan û aktîvîteyan derûdorê Rayber Apoyî de bêrê têhet.”