Vervatoxê HDPyî Gunay Kubîlayî merkezê pêroyî yê HDPyî de kombîyayîş kerd. Kubîlayî derheqê Kongreya Tabîye ya 4. ya HDPyî  û babetanê bînan de tay ercnayîşî kerdî. 

Qirkerdişê Hanau

''Ma vînenê ke nê hêrişê nîjadperestî her cayê dinya de vila bîyî. Heyf ke reyna zaf welatan de îqtîdarî hêrişanê nîjadperestan pey goş kenê.Hêrişî yenê şermezarkerdene la tebdîrî nênê girewtene. 

Kongre

Ma kongreya xo Salona Sporî ya Anqara de bikerê. Ma do hedefanê stratejîkan ê ameyoxî eşkera bikerê û seba ke HDP bireso hedefanê xo rayîrê xo zî kifş bikerê.

Na kongre vera tasfîyeyan, hêrişanê sîyasîyan, operasyonan, hemleyanê îzolekerdişan, tayînkerdişê qeyûman, destbendkerdişan, tepiştişan, sereştişanê polîsan bi vatişê ''Ma tîyade yê, ma HDP yê'' do biba beyanê HDPyî.

Kongeraya ma dewirêkê winasênî de ke hetê AKPyî ra neteperwerî, pederşahîye, dîndarîye komelî rê yenê empozekerdene do biba noqtaya merkezîye ya cuya newîye.

HDP wazeno ameyox pîya awanbikero.

Ma seba agêrayîşê sîstemê parlamenterî ama de yê.

Kongreya ma de paştdayîşo enternasyonalîst ê tewr hîra do bêro dîyene. 26 welatan ra 54 partîyê sîyasîyî  do tewrê kongreya ma bibê.

Moîsyona mutabakatî lîsteya hemserekanê namzetan û endamanê namzetan siba do bidê MYK.''