Kuçeyê Amedî bi slogananê xoverdayîşî zimenê
Çalakîya roniştişî ya Amedî ya ke 19’ê Tebaxe ra nata vera xespkerdişê 3 şaredarîyanê bajaranê pîlan ê HDP’yî yena viraştene roja 16’ine bi slogananê xoverdayîşî dest pêkerde.
Semedê protestokerdişê qeyûmanê ke şardarîyanê Amed, Wan û Mêrdînî de ameyî cakerdene, her hîrê bajaran de rojane çalakîyî yenê viraştene. Çalakîya Amedî ya ke kewte roja 16’ine bi slogananê xoverdayîşî dest pêkerde.
Çalakîya ke xeylî parlamenterê HDP’yî tede ca gênê reyna Kuçeyê Lîse de ameye destpêkerdene. Çalakgerî bi fîtik, çepikan û slogananê xoverdayîşî qîrenê. Çalakîya roniştişî ra dima do eşkerayîyêk bero dayene. 19’ê Tebaxe ra nata çalakîyî rixmê heme hêrişanê polîsan bêmabên dewam kenê.
