Merkezê Cigêrayîşan ê Sahaya Sosyo-Polîtîkî şaristananê Riha, Amed, Êlih, Semsûr, Dêrsim, Qers û Agirî yê Kurdîstanî de derheqê xebitnayîşê kurdkî yê mîyanê sinifanê sosyo-ekonomîk û kulturan de cigêrayîş kerd. Çarçewa cigêrayîşî 5 hezar û 600 kesan reyde ame qiseykerdene.

Goreyê raporê Merkezê Cigêrayîşan  kesê ke kurdkî zanenê tewr zêde keyeyê xo de kurdkî qisey kenê. Goreyê raporî kesê ke kurdkî zanenê înan ra têna nêmeyê ci teber de kurdkî qisey kenê.

Goreyê raporî ziwanê kurdkî (kirmanckî û kurmanckî) tewr tay dezgehanê fermîyan de yena xebitnayene. Balkêş o ke merdimê ke benê kokim hîna zêdêr dest pê qiseykerdişê kurdkî kenê.

Beşê muqayeseya perwerdeyî yê cigêrayîşî de zî yeno dîyene ke her ke asta perwerdeyî bena berz, qiseykerdişê kurdkî zî beno kêm. Bi heman hawayî asta ekonomîke zî xebitnayîşê ziwanê kurdkî ser o tesîr kena. Goreyê naye kurdkî tewr zaf hetê feqîran ra yena xebitnayene. Goreyê raporî kesê ke dewe de ciwîyenê şaristanijan ra hîna zêdêr ziwanê kurdkî xebitnenê.