Denîz Kayayê ke bi nameyê xoverdayoxanê zîndanî yê PKK û PAJKî eşkerayîye daye Roşanê Ganîbîyayîşî yê 15ê Tebaxe pîroz kerd, şexsê fermandarê hemleya tarîxî fermendarê bêmergî Egîdî de şehîdî yad kerdî  û nê vatî:

''Hemleya 15ê Tebaxa 1994î  de bi çalakîyanê gerîlayan ê Eruh û Şemzînanî dest pêkerd. Çîqa azadîye ya ke Eruh û Şemzînan de vejîyaye rixmê heme zordarî estengkerdişan bîye gird, bîye kilaya azadîye ke ewro heme Kurdîstan, Tirkîya, Rojhelatê Mîyanênî û dinya ser tesîr kena. Na hemle ra nêbîyêne ewro bi nameyê kurd û Kurdîstanî çîyêk nêmendêne. Rûho ke Rayber Apoyî afirna aver şi. Raştîya Rayberîye û şehîdan ke destkewteyo tewr pîl o, partîbîyayîş û gerîlabîyayîş na çarçewa de bîyî. Şarê ma û herra Kurdîstanî resa hêzê xopawitişî ke xo paweno û dişmenî ra qesas geno. Hinî koyanê Kurdîstanî de bi des hezaran fedayîyî şarê ma û herra xo pawenê û destûr nêdanê teslîmîyet û îxanetî.

Bêşik Hemleya Şorişgêre ya Gerîlayan 15ê Tebaxe semedê krudan senî ke têgêrayîşê roşnbîyayîş  û azadbîyayîşî ya eynî wextî de semedê Tirkîya û Rojhelatê Mîyanênî zî tegêrayîşê roşnbîyayîş û demokratîkbîyayîşî yo. Têkoşînê Hemleya 15ê Tebaxe ewro hetê gerîlayanê ke Xeta Modernîteya Demokratîke de xo newe kerd,  yeno domnayene. Gerîlayê Azadîye yê Kurdîstanî ewro Zap, Metîna û heme Herêmanê Pawitişî yê Medya de û Vakurê Kurdîstanî de  têkoşînê xo yê fedayîyî  de Hemleya 15ê Tebaxe û Rûhe Serkewtişî danê ciwîyayene. Hemleya Azadîye ya seba Rayber Apoyî dewamê hemleya ganîbîyayîşî ya. Coka ganî hemle bêro wayîrvejîyayene. Ma rêçê fermandarê pîlî hemra Egîdî de şirê, hemleya Rayber Apoyî rê azadîye bi serkewtişî tacîdar bikerê.''