Hemserekîya Konseya Rayberdişî ya KCKyî bi wesîleya serrgêra 40. ya Hemleya 15ê Tebaxe eşkerayîye daye û nê pare kerdî:

'2Ma kewnê serrgêra 41. ya Hemleya 15ê Tebaxe ya ke şarê kurdî newera  ganî kerd. Ma hemleya tarîxî sere de Rayber Apo, qehremananê hemle, şehîdan, gerîlayanê azadîye, şarê xo yê welatperwerî, xoverdayoxanê zîndanî, şaranê bindestan ê dinya û dostanê xo rê  pîroz kenê. Ma şexsê hemrayê xo fermandarê xo yê pîlî  Egîd- Mahsum Korkmazî de heme şehîdanê xo bi hurmet, heskerdiş û mînetî yad kenê û sozê serekwtişî newe kenê. 

Hemleya 15ê Tebaxe gamanê tewr pîlan û bimana yê tarîxî ra yew a. Şarê kurdî ke bi îşxal û qirkerdişî amêne waştene ke bêro qedînayene bi na hemle xo newera afirna, îrade, zanayîş û nasname fîna dest. Kurdîstan de tarîxê înkarî qedîna û tarîxê roşnayîye, azadîye û averşîyayîşanê demokratîkan da destpêkerdene. Şarê kurdî bi Hemleya 15ê Tebaxe anor û şeref fîna dest. Na hemeleya tarîxî eynî wextî cinîyê kurdan zî newera ganî kerdî û verê înan akerd. Rayber Apoyî tim vatêne Hemleya 15ê Tebaxe têna çalakîya leşkerî nîya û bi Kurdîstanî sînordar nîya, averşîyayîşêka demokratîk û globale ya. Çend şino ma raştîya naye dahîna hol vînenê û fam kenê. Na hemle 40 serrî yo bêmabên bi afirnayîşê averşîyayîşanê girdan dewam kena.

Ewro şarê ma raştê hêrişanê îmha û qirkerdişî yeno. Nê hêrişî muhîmîya têkoşînê hemle mojnenê ra. Eşkera yo ke ma sey şarî têna bi rûhê Hemleya 15ê Tebaxe eşkenê vera nê hêrişanê îşxal û qirkerdişî de vinderê.  Bi têkoşînê bi ruhê Hemleya 15ê Tebaxe ma eşkenê dişmenî bin bifînê. Çunke Hemleya 15ê Tebaxe Kurdîstanî de nameyê îradeyî û newerabîyayîşî  û serkewtişî ya. Nê hetî ra ganî ma na hemle hol fam bikerê û biciwîyê. Sey vizêrî ganî ma ewro zî nê averşîyayîşê tarîxî fam bikerê û bidê domnayene.

Gerîlayê Azadîye yê Kurdîstanî vera hêrişanê îşxal û qirkerdişî bi fedakarîye û qehremanîye şer kenê û terzê Hemleya 15ê Tebaxe û fermndarê ci yê pîlî hemra Egîdî danê domnayene . Bi na wesîle ma reyna xoverdayîşê gerîlayan selam kenê û Roşanê Ganîbîyayîşî yê 15ê Tebaxe pîroz kenê. Ganî şarê kurdî her ca de bi coşê pîlî Hemleya 15ê Tebaxe pîroz bikero. Na çarçewa de semedê serkewtişê têkoşînê azadîye  ganî  têkoşîn bêro pîlkerdene û paştî bidîyo Gerîlayanê Azadîye yê Kurdîstanî ke bi girdkerdişê têkoşînî vera hêrişanê  îşxal, qirkerdiş û îxanetî xover danê.''