Parlamenterê Partîya Çepe Michel Brandtî hewteyo ravêrte derheqê xespkerdişê şaredarîyanê HDP’yî de Wezîrê Karanê Teberî yê Almanya Heîko Maasî rê mektubek şawitbi. Brandtî bale antebi projeyê şaredarîyeya wayûbiratîye yê Karslruhe û Wanî ser û waştbi ke rejîmê Enqere bêro rexnekerdene.

Cewabê mektubê Brandtî yo he hetê Wezîrê Karanê Teberî yê Almanya Maasî  ra ame dayene ne de bale ame antenê serê eşkerayîya Yewîya Ewropa ya ke 19’ê Tebaxe de derheqê qeyûman de ameye dayene ser. Eşkerayîya ke qalê ci yena kerdene de amebi vatene ke qeyûmî demokrasîyê cîyayî yê Tirkîye  fînenê tehluke. Mektube  de nê ameyî vatene: ‘‘Hukmatê Federalî xeylî reyî Tirkîya ra waşt ke wa bibo dewleta huqûqî.  Cimkî hukmatê Tirkî berpirsîyaro ke huqûq bica bîyaro. Reyna ma wazenê ke Tirkîya  şertanê dewleta huqûqî bica bîyaro.‘‘