Mahkemaya Tirkî bi îddîaya "Meclîsê KCK/Tirkîya" çerçeweya operasyonanê 14'ê Nîsana 2009'an de dewa vera sîyasetmedaranê Kurdan akerde û mahkeme derheqê 154 kesan de qerar da. Qerar şi destê Mahkemeya Pîle. Mahkemeya Cezaya Giran a 2'in a Amedî hezar û 109 serrî û 10 mengî û 22 rojî da 99 kesan û qerarê beratî zî dayo 55 kesan. Hem dozgerîye hem zî avûkatan qerar berd destê Mahkemeya Pîle.

Mahkemeya Pîle dewaya endamê Meclîsê Partîya Haştîye û Demokrasîyî (BDP) Ramazan Morkoç û Tamer Tanrikoluyî şirove kerde. Mahkemeya Herêmîye bi îddîaye "îdarekarîya rêxistine" 21 serrî cezayî Morkoçî rê  daye. Bi heman sucdarîye 18 serrî cezaya hepisî Tanrikolî rê daye. Mahkemeya Pîle zî ceza tasdîq kerde. Yeno pawitene ke Mahkemeya Pîle qerarê xo yê derheqê 152 kesan de ewro yan zî siba eşkere bike.