Mustafa Koçak o ke seba ke rîyê îtîrafkerêkî ra cezaya muebetê girankerdeyî ameye ci dayene semedê hukmkerdişê adîlî 207 rojî yê rojeyê mergî de yo.  Pî û maya  Koçakî seba ke semedê lajê xo çalakîye kerde ameyî destbendkerdene.

Maye û pîyê Mustafa Koçakî yo ke rewşa ci bîya girane, Hasan-Zeynepe Koçak seba ke bale binacê rewşa lajê xo ser Meydanê Kadikoyî de bi piraykerdişê kefenî çalakîyêke viraşte. Hasan-Zeynepe Koçak veng da rojnameger, hunermend, rêxistiannê demokratîkan ê rayapêroyîya ke vera rewşa lajê înan hîsdar bê. Maye Zenepe Koçak vat: ''Lajê mi 28 serre yo û semedê edaletî mireno.'' Pî Hasan Koçakî zî vat: ''Lajê mi se kerdo? Bîyo qûrbanê îtîrafkerêkî. Eke lajê wezîran bîyêne wina bîyêne?'' Polîsan Zeynepe û Hasan Koçak destbend kerdî.