Mêrdîn de vera qeyûmanê Amed, Wan û Mêrdînî raya 18’ine çalakîya roniştişî ameye viraştene.

Çalakîya roniştişî ya  ke bi deyîran û sloganan saetêk dewam kerde ra dima eşkerayîye ameye dayene. Parlamenterê HDP’yî yê Mêrdînî Mîthat Sîncaro ke eşkerayîye de qisey kerd va: ‘‘AKP’yî vînkerdiş hezm nêkerd coka bi qeyûman dest bi derbeya sîyasîye kerde. Sîstemê qeyûmî, sîstemê heramî yo. Ma soz dayo, ê do şirê. Bêumîdîye çîn a. Ma îqtîdar peyser ant, nika wextê înan şawitişî yo.‘‘ Dimayê eşkerayîye çalakîye bi çepik û tîlîlîyan qedîyaye.