Serekwezîra Almanya Angela Merkel a ke bi rotişê çekan paştî dana sucanê şerî yê rejîmê Erdoganî do zîyaretê xo yê Tirkîya de babetanê multecîyan, krîzê Sûrîye, Lîbya û rojhelatê Derya Sipî biercna.
Serekwezîra Almanya Angela Merkel do ewro Îstanbul de Serekkomarê Tirkîya Recep Tayyîp Erdogan reyde ronişa. Rodemê Merkele hîra ya. Pêvînayîş de Lîbya û Sûrîye, karê sondajî yê Tirkîya yo ke bi hawayêkê bêhuqûqî rojhelatê Dengizê Sipî de kena do bêrê ercnayene.
Merkela ke wextê îşxalê Efrînî, Girê Sipî û Serêkanîyê de rotişê çekan ê seba rejîmê Erdoganî tesdîq kerd, do na babeta dewleta huqûqe û heqanê merdiman de ''hîsgerîya xo'' bîyara ziwan. Deutsche Welle (DW) pare kerd ke Merkele do seba xoserîya mehkeme û serwerîya huqûqî zî Erdogan ra biwaza ke gamanê kifşan bierza.
Ame parekerdene ke pêvînayîşê Merkel û erdoganî de babeta multecîyan zî do bêra ercnayene ke Tirkîya bi serran o ke vera Ewropa naye sey hacetêkê şantajî xebitnena.
