Mîtîngê 1’ê Êlule  Roja Haştîye ya Dinya Meydanê Kartalî yê Stenbolî de bi tewrbîyayîşê des hezaran ame destpêkerdene.

Mîtîngo ke semedê protestokerdişê qeyûmanê ke şaredarîyan Amed, Wan û Mêrdînî de ameyî cakerdene bi şîare, ‘Vera qeyûman îradeyê şarî’û ‘Vera şerî haştîye‘ yena viraştene pîya bi parlamenteranê HDP’yî  xeylî partîye sîyasîyî û rêxistinê cimatê sivîlî tewrê ci bîyî. Çalakîye de vera polîtîkaya hêrişkare ya hukmatî mesajê xurtkerdişê mucadeleyî yenê dayene. Rayraşîyayîşêko heme dezgehî bi pankartanê xo tewrê ci bîyî, dîmenê renginî vejîyeyî meydan û sloganê vera qeyûman berz bîyî. Kortejê Mayanê Haştîye yê Laçig Sipîyan ê ke wextê grevê vêşanîye yê semedê wedartişê tecrîdê ser Rayberê Şarê Kurdî Abdullah Ocalanî vernîyê xoverdayîş de bî, bale ante xo ser. Dimaye rayraşîyayîşî kîtle meydan de ame pêser û bi deyîran dest bi govende kerde. Bado zî mîtîng bi rêzgirewtişî dest pêkerd.