Ayten Sarikaya Kesler (53) a ke vizêr Swîsre ra ameyêne Tirkîya Meydanê Teyarayan ê Îstanbulî de wextê kontrolê pasaportî de ameye destbendkerdene.

Keslere semedê parekerdişê facebookî bi îdîaya ''propagandaya rêxistine'' û ''serekkomarî rê heqaretî'' ameye destbendkerdene û berdene bi qereqolê meydanê teyarayan.

Keslere heta nêmroje qereqol de ameye vindertene û her çiqas Edlîyeyê Bakirkoyî de ame tesbîtkerdene nêweşa kanserî ya zî derheqê ci de bira tepiştişî ameye dayene.

Kesler wextê mehkeme de hîşê xo ra şîye, erdî ser o derg bîye la heyetê mehkeme reyna zî bi zorî waşt ke raporê cigêrayîşî ci rê bidê îmzakerdene.

Keslere vizêrî ra nata nêweşxaneyêkê taybetî yê Bahçelîevlerî de ya. Dima ke Keslere ameye hîşê xo ser do bêra berdene bi Zindanê Bakirkoyî.

Avûkate Gulîzare Tuncer rewşa Keslere de zanayîşî dayî û vat: ''Mehkeme û dozger hînî merdimbîyayîşî ra vejîyayî. Mehkeme hînî sey leşkerê îqtîdarî têgêrenê.''