Nobetê Edaletî yê ke xeylêk bajaran de seba azadîya fîzîkîye ya Rayberê Şarê Kurdî Abdullah Ocalanî dîyayî destpêkerdene, bi hewayêkê qerardarî dewam kenê.

Nobetê Edaletî yê ke Amed, Wan, Mêrdîn,Êlih, Îstanbul û Adana da serkêşîya TUAY-DERî de ameyî destpêkerdene nizdê hîrê aşman o bêmabên dewam kenê. Şar bi slogananê "Bijî berxwedana zindanan" çalakwanan zîyaret keno û paştî dano ci. Amed de dayîkan bale ante kampanyaya Rayraşîyayîşê Azadîye yê Pîlî ser û sere de şarê Amedî heme şaran waşt ke wa têkoşînî xurtêr bikerê.Çalakîya Îstanbul de zî ame vatene ke şarê kurdî wazeno bi nasnameyê xo biciwîyo coka ganî cade tecrîdê serê Abdullah Ocalanî bêro wedaritene. Reyn nobetanê bînan de zî vera tecrîdî mesajê xurtkerdişê têkoşînî ameyî dayene.