Amed, Îstanbul, Adana,  Wan û Mersîn de Nobetê Edaletî yê ke çarçeweya hemleya  ''Abdullah Ocalanî rê azadîye, meseleya kurdan rê çareserîya sîyasîye'' de dîyayî destpêkerdene, dewam kenê.

Nobeta Edaletî ya Amedî kewte roja 19ine. Hemserekanê MED TUHAD-FEDî Emine Kaya û Kerem Canpolat, Hemsrekê OHDyî yê Amedî Riza Polat û xeylêk kesan çalakwanî zîyaret kerdî. Riza Polatî ke tîya qisey kerd vat, ''No problemêko komelkî yo. Waştişê tepişteyan waştişê heqdar ê, coka vengê xo berz kenê.''  Çalakîye bi slogana “Bijî berxwedana zindanan” û klaman dewam kerde.

Wan de zî çalakwanê Nobeta Edaletî roja 18ine de ameyî zîratkerdene. Çalakîye de ame vengdayene ke semedê şiknayîşê tecrîdî wa têkoşîn bêro xurtkerdene. Dayîkan xoverdayîşê tepiteyan selam kerd û veng da ke her kes hîsgêr bo.

Reyna Îstanbul, Adana û Mersin de zî Nobetanê Edaletî dewam kerd. Çalakîyan de ame vengdayene ke wa her kes vera tecrîdê Îmraliyî vengê berz bikero û paştî bido xoverdayoxanê zîndanan.