Endamê Konseya Rayberdişî ya KCKyî Sabrî Ok beşdarê bernameyê Rejeva Welat ê Stêrk TVyî bi û serra 2019î ercaneye. 

Beşêkê ercnayîşê Sabrî Okî wina yo:

"Bêguman serra 2019î serrêka zore bîye. Armancê asîmîlasyonkeran pîl bîyî; waştêne îradeyê têgêrayîşê ma û şarê ma bişiknê. Çar parçeyanê Kurdîstanî de bi taybetî Rojawan û Başûr de vera têgêrayîşê ma hêrişî dewam kerd. Ame waştene ke şarê kurdî bêçare bimano. Endamê HDPyî ameyî tepiştene, wekîl û hemşaredarê şarê ma ameyî eştene zîndanan. Bi nameyê qeyûmî polîtîkaya taybete xebitnaye. 

Na polîtîkaya qeyûmî bêxlaqî ya. La AKP seba menfaatê xo na polîtîka xebitnaye. Rayber Apoyî vatêne DAÎŞ û AKP wayîrê heman hişmendîye yê. AKP hetê îdeolojîkî ra nêzdîyê şarê kurdî beno. Xora kurdan ra hes nêkeno. AKP hetê Ergenokonî ra yeno îdarekerdene. AKPyî waşt ke îradeyê kurdan bişikno la nêeşka. Mîsal xoverdayîşê grevê vêşanîye yê Leyla Guven netîceyêko pîl girewt û her ca de şarê ma no xoverdayîş teqîb kerd.

Dewleta tirke Başûrê Kurdîstanî de ma ser o bombayî varnayî la reyna nêeşka nêtîceyêk bigêro. Şarê Başûrî zî hînî pê polîtîkaya asîmîlasyonî yê înan hesîya. Gerîlayan Xakurkê de Heftanîn de derbê pîlî dayî înan ro. Gerîlayî goreyê prosesî, hewceyan xo kenê newe, taktîkanê neweyan xebitnenê. Waştêne ke cade netîce bigêrê. Coka bi hawayêkê barbarî hêrişê ma kerd. La reyna netîce nêgirewt.

Dewleta tirke seke hêrişê Efrînî kerd bi nê hawayî hêrişê Serêkanîyê û Girê Sipî kerd. DYA paştî da dewleta tirke. Nê hêzan waştêne ke Îdareyê Xoserî tasfîye bikê. Şarê Rojawanî xoverdayîşêko pîl mojna. Ez bi hawayêkê xurtî vana; Serêkanîyê û Girê Sipî ameyî îşxalkerdene la hetê sîyasî ra kurdî ser kewtî.Serra 2019î serrêka zore bîye. AKP zerar da ma la o bi xo zî nêeşka ser bikewo. Ma serra 2019î de bedelê giranî dayî. AKPyî bi bêhêzî û vinkerdişê rezerveyanê xo dest pê 2020î kerd. La ma sey PKK hîna bihêzî, birêxistinî, qerardarîye dest pê 2020î kerd.

Îmrali de tecrîdêko xorin esto. Rayberîye seba çarserîye waşt ke rolêk kay biko. Rayber Apoyî projeyê çareserîyan pêşkêş kerd. La îdarekarêk çin bi ke nê projeyan bîyaro ca. Înan waşt ke Rayberîye tasfîye bikê la bi rayberîya Leyla Guven Kurdîstan de û dinya de xoverdayîşêk dest pêkerd. Netîce de înan qebul kerd ke Rayber Apo reyde pêvînayîşî bêrê kerdene. Serra 2019î de bi xoverdayîşî tecrîdê vera Rayberê Kurdî Abdullah Ocalanî ame şiknayene. 

Şerê mabênê Îranî û DYA xizmetê şarê Rojhelatê Mîyanênî nêkeno, no şerê înan seba demokrasîyî nîyo. Bi kiştişê Silêmanîyî rojdem vurîya, warê sîyasetî de vera DYA nêrazîbîyayîşî vejîyayî meydan. Çareserîya Rojhelatê Mîyanênî xeta Rayber Apoyî; demokrasî û cuya azadîye ya. Bi rojdemê Lîbya, PKK û 'teror' yeno waştene ke merdimî pê feqîrîye, krîzî û mesela sîyasî nêhesîyê. Seba ke mesela kurdî DYA û Rûsya rê bêra bazarkerdene Tirkîya wazena şora Lîbya. Armancê Erdoganî no yo.  Mîyanê AKPyî de zî muneqeşayî estê vanê 'Ma hînî do vîndî bikê'. Her kes zaneno ke AKP bin kewt.

Bêguman şorişê kurdan, têkoşînê cinîyanê kurdan destan û tarîxêk o. Ma seba naye deyndarê tewirê rûmetênî yê embazan Sara, Rojbîn û Ronahî. Embazî Sêvê, Fatma û Pakîze zî sembolê têkoşînê şarê kurdan ê. Embazî Sara, Ronahî û Rojbîne merkezê Parisî de ameyî qetilkerdene û hesabê ney hema nêame dayene. Ma sey şarê kurdan heta ke hesabê ci nêro dayene zerrîşenik nêbê.

Cinîyê şorişgêrî yê kurdî 25 serran ra nata zîndanan de xo ver danê, têkoşînê xo dewam kenê. Koyanê Kurdîstanî de, her warî de cayêk çin o ke tede cinîyê PAJKî, YJA-Starî têkoşîn nêkenê. Rayber Apo vano PKK partîya cinîyan a, rast vano. Bê tewir û rayberîya cinîyan cuyêka azade nêna awankerdene.''