Olûç: Erdogan bi hîsanê keyeyan kay keno

Serekwekîlê Grûba HDP’yî Sarûhan Olûçî  vat  ê dejê keyeyan fehm kenê la Erdogan bi hîsanê keyeyan kay keno.

Serekwekîlê Grûba HDP’yî Sarûhan Olûçî  qeyûmî û qewimîyayîşê provokatîfî yê vernîya banê HDP’yî yê Amedî  ANF’yî rê ercnayî.

Olûçî qerarê qeyûman sey qerarêko sîyasî name kerd û va: ‘‘Hema cipersayîş nêamebi  akerdene ke îradeyê şarî ame xespkerdene. Xeberê qeyûmanê neweyan ma rê xerîb nêyê. Wezîrê Karanê Zereyî goreyê keyfê xo qeyûman tayîn keno. Hukmat çîyo ke sandîq de vînî kerd nika bi zext û şîdetî wazeno dest bifîno.‘‘

Olûçî bale ante hêriş û provokasyonanê vera HDP’yî ser û wina dewam kerd:‘‘  Keyeyê ke vernîya banê ma yê Amedî de yê, ma dejê înan fehm kenê. Seba ke dayîkê Kurdistan û Tirkîya mebermê ma mucadeleyê azadîye û haştîye danê. Dejê Dayîkanê Şemeyî, Dayîkanê Haştîye û dayîkê ke vernîya banê ma de ronişenê tewr hol ma fehm kenê. HDP mucadele keno ke ê hîna zaf dej meancê. Ê ke no şerî xorî kenê AKP-MHP yo. Îqtîdarî heme rayîrê çareserîye werte ra wedartî û polîtîkayê şerî vistî dewre. Eke keyeyî wazenê biresê qicanê xo wa şirê vernîya merkezê AKP’yî de çalakîye virazê.Ma her tim semedê çareserîye hedre yê. Erdogan di rojî cuwa ver paştî daye keyeyanê ke vernîya banê ma de yê. Ma dejê keyeyan zaf hol zanê la Erdogan bi hîsanê keyeyan kay keno. Hesranê sexteyan keno war. Dejê keyeyan xêmê Erdogan û AKP’yî de nêyo. Ê dej û hesaranê dayîkan semedê îqtîdarê xo binpay kenê.‘‘