Wekîlê HDPyî û Hetkarê Hemserekanê HDPyî Alîcan Onluyî derheqê serebûtanê îstîsmarî, tacîzî û meseleyanê komelkîyanê ke wextanê peyênan de Dêrsim de zaf qewimîyenê de eşkerayîyêka nuştekîye kerde.

Onluyî ard ziwan ke Dêrsim wextê Osmanijan ra nata bi hawayêkê sîtematîkî maruzê hêrişanê dewlete beno û vat: “Dêrsim wextanê peyênan de bi îstîsmaran, tacîzan û kiştişanê cinîyan bi hawayêkê sîstematîk yeno hedefkerdene. Serebûtê tacîzê vera cinîyanê Zanîngehê Munzurî, îstîsmarê domananê Pêrtagî û vînbîyayîşê Gulîstane Doku mojnenê ke Dêrsim bi destê sîstemî polîtîkayanê pûçkerdişî û  reyde rî bi rî yo. Eşkera beno ke nê serebûtan de faîlî estê ke wezîfedarê rayaumûmî yê yan zî eleqeyê înan ê bi îqtîdarî esto.

Dêrsim de ke hetê kamerayan, qeraqolan, kelakolan û ajananê îstîxbaratî ra her hêle yeno teqîbkerdene cinîyî yenê tacîzkerdene, vera înan şîdet yeno kerdene, domanî zî yenê îstîsmarkerdene. La walîyê şaristanê bêveng o. Pêro berpirsîyarîya nê serebûtan milê walîyî de ya. La walî no wasifê xo vîn kerd û o hînî sey amîrê îqtîdarê AKP-MHPyî têgêreno. Ganî ma vera nê kesanê ke wazenê ma pûç bikerê bêveng nêmanê. Rûmet hewce keno ke ma nê serebûtî eşkera bikerê û hesabê înan bipersê. Ma ça de benê wa bibê ganî ma paştî bidê têkoşînê rûmetî yê şarê Dêrsimî û wendekaranê zanîngehê Munzurî. Rayîr ma rê ame mojnayene. Ganî ma nê rayîrî ra şorê.''