Gerîlayanê YJA-Starî bi wesîleya 8ê Adare Roja Cinîyan ê Kedkaran a Dinya  ajansê ma rê qisey kerd.

Ronahîye Reşîd vat: ‘’Cinîyî bi têkoşînêkê pîlî mîyanê refanê gerîlayan de cagênê. Cinîyî seba 8ê Adare wurzenê payan ser, xo şinasnenê. Cinîyî resayî a aste ke hinî sereyê xo nêanê war. Rayber Apo zî tim vano ke ganî cinîyî xo aver berê û zanaye bibê. Ma bi mektuba Rayberîye 8ê Adare pêşwazî kenê. 8ê Adare sere de Rayber Apoyî rê pêro cinîyan rê fîraz bo.’’

Jînda Çele vat: ‘’Ganî cinîyî sîstemî xo rê esas nêkerê. Ganî cinîyî têkoşînê xo aver berê.Ganî cinîyî bi keda xo bihesîyê. Mîyanê têgêrayîşê azadîye de zî cinîyî tim serkêş ê. Ez venga pêro cinîyanê dinya dana ke yewîya xo bîyarê ca. Ganî cinîyî yew bibê, bi yewî û paştdayîşê xo sîstemê kapîtalîstî çin bikerê. Ez ancî 8ê Adare pêro cinîyan rê fîraz kena û Rayberîye selam kena.’’