Adana de domano bi nameyê F.Ç.yo 15 serre yo ke wextê destbendkerdişî de polîsan ci rê teda kerd ke bibo ajan seba ke Ajansê Mezopotamya reyde qisey kerd hetê polîsan ra ame vindertene û rîyê roportajî ra ame derbkerdene.
Roja 20ê çeleyî de Taxa Denîzlî ya qezaya Seyhanî ya Adana de domano bi nameyê F.Ç.yo 15 serre bi îdîaya ''propagandaya rêxistine'' ame destbendekrdene û qereqol de seba ke ajanîye qebul nêkerde polîsan îşkence bi ey kerd. Domano 15 serre yo ke dozgerîye de îfadeyê ci ame girewtene heman roje bi waştişê tepiştişî sewqê Mehkema Cezaya Sulhe ame kerdene bi şertê kontrolê edlîyî ame veradayene.
F.Ç. wexto ke ame destbendkerdene çi ame sereyê ci, binpaykerdiş û tedaya polîsan Ajansê Mezopotamya rê qal kerd. Saetanê şewe de taxa Denîzlî ya qezaya Seyhanî ya Adana de F.Ç. hetê polîsan ra ame vindertene û îşkence bi ey ame kerdene. Polîsan F.Ç. rê heqaret kerd û bi vatişê ''To roportaj kerd'' newe ra o derb kerd.
