Merdimê tepişteyanê ke vera zextanê serê tepişteyan waşt verê Edlîyeya Çaglayanê Îstanbulî çalakîye bikerî no hewte zî raştê hêrişê polîsan ameyî.

Çalakîya ke Wekîla HDPyî ya Îstanbulî Zuleyha Gulum zî tewrê ci bîye de polîsan hêrişê dayîkan û kerd û hîrê kesî bi derbkerdişî destbend kerdî.

Zuleyha Gulum vera destbendkerdişan hersê xo ard ziwan û vat: '2Tîya zaf çalakîyî yenê kerdene la têna çalakîya çar dayîkan yena astengkerdene.  Eşkera yo ke nêwazenê zextê zîndanan bêrê eşnawitene. Qirkerdişê zîndanan nimnenê. Sûcanê xo yê ke zîndan de kenê hol zanê. Ê xora zanê senî îşkence kenê û tepişteyan xokiştişî rê mecbur kenê.  Tepişteyanê nêweşan tedawî nêkenê ke wa bimerê. Coka hêriş kenê ke wa sûcê înan merê zanayene.  Ma do vera na neheqîye bêveng memanê û tepişteyan bêwayîr meverdê.''