Protestoyê qetilkerdişê cinîyan û xespkerdişê şaredarîyan rê hêriş
Ciwanîya HDP’yî bînşewe vera xespkerdişê şaredarîyanê Amed, Wan û Mêrdinî û qetilkerdişê cinîyan Stenbol de çalakîyêk viraşte. Polîsan hêriş kerd 8 kesî destbend kerdî.
Bînşewe Stenbo de hetê ciwanîya HDP’yî ra vera xespkerdişê şaredarîyanê Amed, Wan û Mêrdinî û qetilkerdişê cinîyan çalakîyêk ameye viraştene.
Çalakîya ke Parkê Mehmet Ayvalitaşî de ameye viraştene polîsan hêrişê ci kerd, muxabîra Ajansê Mezopotamya Berfîn Aslane û xebatkarê rojnameyê Yenîyaşamî Mehmet Şahînî zî tede 8 kesî destbend kerdî. Avûkatnê ke waşt destbendkerdeyan zîyarat bikerê qereqolî ra ameyî eştene.
