Vernîyazê qanûnî yo ke  selahîyet dano pawitoxan ke nasname bipersê û çeke bişuxulnê Komîsyonê Karanê Zereyî yê Meclîsî de ame qebulkerdene.

Goreyê naye pawitoxî do bi îmtîhanê Wezaretê Karanê Zereyî bêrê girewtene û binê serbanê teşkîlatanê asayîş û cendirmeyan de berê îstîhdamkerdene. Pawitoxê taxe û sûkan hînî eşkenê hêrişê çalakîyanê protestoyan bikerê, nasnameyan biperse, cigerayîşê gincanî bikerê, wesayîtan kontrol bikerê û çeke bişuxulnê. Reyna eke raştê xoverdayîşî bêrê eşkenê zor zî bişuxulnê. Kelemçe, cop, gazê ke hesran anê war, kutikî û astorê ke polîsî şuxulnenê pawitoxî zî hînî  eşkenê bişuxulnê.