Bi wesîleyeya serrgêra Qirkerdişê Parisî seranserê Ewropa de bi çalakîyan qirkerdiş ame şermezarkerdene û cinîyê şorişgêrî yê kurdî Sakîne Cansiz, Fîdane Dogan û Leyla Şeylamez ê ke 9ê çeleyê 2013î  de Paris de ameyî qetilkerdene ameyî vîrardene.

Swêd: Paytextê Swêdî Stockholm de seba ke qirkerdiş roşnî nêkerdo û verê Konsolosxaneyê Fransa de çalakîyêke ameye viraştene. Çalakîye de ame vatene ke cinîyê do têkoşînê Sara, Rojbîne û Fîdane biresnê serkewtişî. Bajarê Orebro de de zî bi çalakîyêk hîrê cinîyê şorişgêrî ameyî yadkerdene

Norveç: Bi heman waştişî paytextê Norveçî Oslo de zî verê Konsolosxaneyê Fransa de çalakîyeke ameye organîzkerdene.  Meclîsê Cinîyan ê Oslo derheqê qirkerdişî de dosyayêk daye berpirsîyaranê konsolosxaneyî û semedê hetkarîya înan ê Tirkîya ê şermezar kerdî.

Swîsre: Bajarê Bernî yê Swîsre de zî bi wesîleya serrgêra 7. ya girkerdişî verê Konsolosxaneyê Fransa de çalakîyêke ameye viraştene û waştene ke qirkerdiş bêro roşnkerdene.

Almanya: Bajaranê Hamburg, Dusseldorf û Salzgiterî yê Almanya de zî bi çalakîyan Qirkerdişê Parîsî ame şermezarkerdene û Sakîne, Fîdane û Leyla ameyî yadkerdene. Çalakîyan de ame vatene ke bi nê qirkerdişî ame waştenê têkoşînê cinîyan ê kurdan bêro şiknayene la cinayan ê kurdan rêçe rayberanê xo de têkoşîn  girdêr kerd.

Belçîka: Paytextê Belçîka Bruksel de zî bi çalakî û aktîvîteyan qirkerdiş ame şermezarkerdene û sozê girdkerdişê têkoşînî ame dayene.