Rayraşîyayîşê 25 rojan o ke bi semedê azadîya fîzîkîye ya Rayberê Şarê Kurdî Abdullah Ocalanî Paris de ame destpêkerdene, roja 12. de bajarê de Villeneuve Saint Georges de dewam kerd.

Çalakwanan şar û esnafê derûdorî rê vilawekî vila kerdî. Reyna esnaf û dezgehê fransizan zî ameyî zîyaretkerdene û derheqê rewşa Rayberê Şarê Kurdî Abdullah Ocalanî de dosyayî dîyayî înan.

Çalakwanan ra Yakup Çelikê ke wextê rayraşîyayî de bi nameyê çalakwanan qisey kerd, xoverdayîşê gerîlayan û zîndanan selam kerd û vat no rayraşîyayîş semedê azadîya Rayberîya ma û semedê ma fînalêk o.

Badê rayraşîyayîşî senî ke bajaranê bînan de zî ame kerdene, kartpostalê ke rayîr de ameyî îmzakerdene Rayberê Şarê Kurdî Abdullah Ocalanî rê ameyî şawitene.

Siba do rayraşîyayîş Bobign dewam bikero û tîya goştarîkerdişê muzîkî do bêrokerdene.