Bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî Fransa de rayraşîyayîşê 25 rojan ame organîzekerdene. Rayraşîyayîşo ke Parisî ra ver bi Strasbourgî dîya destpêkerdene roja şeşine de bajarê Rennesî de ame kerdene.

Çalakwanan şar û esnafê derûdorî rê vilawekî vila kerdî. Reyna esnaf û dezgehê fransizan zî ameyî zîyaretkerdene û derheqê rewşa Rayberê Şarê Kurdî Abdullah Ocalanî de dosyayî dîyayî înan. Badê rayraşîyayîşî senî ke bajaranê bînan de zî ame kerdene, kartpostalê ke rayîr de ameyî îmzakerdene Rayberê Şarê Kurdî Abdullah Ocalanî rê ameyî şawitene.

Sîyasermedarê kurdan Hatip Dicleyê ke rayraşîyayîş de qiseykerdişêk kerd, semedê tewrbîyayîşê Kolnî veng da ke do 17ê sibate bêro kerdene.

Badê rayraşîyayîşî Merkezê Şarî yê Rennesî de kombîyayîşê şarî ame kerdene. Kombîyayîş de bale ameye anetene rewşa Rayberê Şarê Kurdî Abdullah Ocalanî ser û derheqê muhîmîya rayraşîyayîşî de ame qiseykerdene.

Fînalê rayraşîyayîşê 25 rojan do 17ê sibatê de bajarê Kolnî yê Almanya de bêro kerdene.