Bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî Fransa de rayraşîyayîşê 25 rojan ame organîzekerdene. Rayraşîyayîşo ke Parisî ra ver bi Strasbourgî dîya destpêkerdene roja pancine de bajarê Nantesî de ame kerdene.

Çalakwanan şar û esnafê derûdorî rê vilawekî vila kerdî. Reyna esnaf û dezgehê fransizan zî ameyî zîyaretkerdene û derheqê rewşa Rayberê Şarê Kurdî Abdullah Ocalanî de dosyayî dîyayî înan. Badê rayraşîyayîşî senî ke bajaranê bînan de zî ame kerdene, kartpostalê ke rayîr de ameyî îmzakerdene Rayberê Şarê Kurdî Abdullah Ocalanî rê ameyî şawitene. Saetanê şanî de do Mekezê Şarî yê Nantesî de kombîyayîşê şarî bêro kerdene.

Roja çarine ya rayraşîyayîşî de 25ê çeleyî de bajarê Vannesî de çar kesan ra grûbêka tirkan a nîjadperserte provokasyon kerd la çalakwanan destûr nêda pêrodayîş vejîyo, hêrişkarî warî ra ameyî dûrîfînayene.

Fînalê rayraşîyayîşê 25 rojan do 17ê sibatê de bajarê Kolnî yê Almanya de bêro kerdene. Rayraşîyayîş do siba bajarê Rennesî de bêro kerdene. Rennes de bi tewrbîyayîşê sîyasetmedarê kurdî Hatip Dicleyî kombîyayîşê şarî bêro kerdene.