Bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî Fransa de rayraşîyayîşê 25 rojan ame organîzekerdene. Rayraşîyayîşo ke Paris de ame destpêkerdene,  bi çalakî û akîvîteyanê cîya cîyayan  dewam keno.

Rayraşîyayîşo ke Parisî ra ver bi Strasbourgî yeno kerdene, roja çarine de bajarê Vannesî de dewam kerd. Rayraşîyayîşê ke saete 13:00 de dest pêkerd heta Gambetta dewam kerd.

Çalakwanan şar û esnafê derûdorî rê vilawekî vila kerdî. Reyna esnaf û dezgehê fransizan zî ameyî zîyaretkerdene û derheqê rewşa Rayberê Şarê Kurdî Abdullah Ocalanî de dosyayî dîyayî înan.

Badê rayraşîyayîşî çalakwanan û tay grûbanê dostanê kurdan Meydanê Gambetta de bi muzîkî govende girewte û coş û qerardarîya xo ramojna.

Dima ra senî ke bajaranê bînan de zî ame kerdene, kartpostalê ke rayîr de ameyî îmzakerdene Rayberê Şarê Kurdî Abdullah Ocalanî rê ameyî şawitene.

Fînalê rayraşîyayîşê 25 rojan do 17ê sibatê de bajarê Kolnî yê Almanya de bêro kerdene. Rayraşîyayîş do roja îne (siba) bajarê Nantesî de bêro kerdene. Nantes de do saete 18:00 de kombîyayîşê şarî û goştarîkerdişê muzîkî bêro kerdene.

.