Destpêkê şerê zereyî yê Sûrîye ra heta nika vernîyazê ke Rusya Konseya Asayîşî ya Neteweyê Yewbîyayeyî de veto kerdbi bîyê 13 vernîyazî. Rusya heqê xo yê vetoya peynîye verba vernîyazê vengdayîşê adirbirnayîşî yê Îdlibî de xebitna.
Endamê demkî yê Konseya Asayîşî ya Neteweyê Yewbîyayeyî Elmanya, Belçîka û Qûweyt vernîyaz amade kerd û hetê 12 welatan ra ame qebulkerdene. Raydayîşî de endamo demkî Ekvator tewro bêhetî mojnayo û Rûsya û Çîn heqê xo yê vetoyî xebitna û vernîyaz nêame qebulkerdene. Êyê ke vernîyaz amade kerd hişyar kerd ke şerê Îdlibî do bibo sebebê 'krîzo pîl o însanî' û Rûsya zî dîyar kerd ke operasyonî leteyêkê têkoşînê verba terorîzmî yê. Rûsya waştêne 'operasyonê verba terorîzmî' teberê vernîyazî de bimanê. Labelê no waştiş hetê welatanê bînan ra ame redkerdene.