Paytextê Fransa Paris de 9ê çeleyê 2013î de ronayoxanê PKKyî ra Sakîne Cansiz (Sara), Temsîlkara KNKyî Fîdane Dogan (Rojbîne) û Endama Têgêrayîşê Ciwanan Leyla Şayleme (Ronahîye) ameybî qetilkerdene. 23yê kanûna 2022yî de Paris de Evîn Goyî (Emîne Kara), hunermend Mîr Perwer (Mehmet Şîrîn Aydin) û welatperwer Abdurrahman Kizil hêrişê vera Merkezê Kulturê Kurdan ê Ahmet Kayayî de ameyî qetilkerdene. 

Seba ke wird qirkerdişî zî bêrê roşnîkerdene û hesabê qirkerdişan bêro persayene kurdîstanijî û dostê înan amadekarîya çalakîyan kenê. 

Hemvervatoxê Dîwanê KCDK-E Murat Ceylanî û Temsîlkara TJK-E Zozane Serhat venga pêro kurdîstanijan da ke 23yê kanûne de û 6ê çeleyî de tewrê çalakîyanê Parisî bibê.

Murat Ceylanî û Zozane Serhat vat: ''Şima eşkenê ma qetil bikerê la ma do xo vîr a nêkerê. Beno ke şima kiştoxanê ma muhakeme nêkerê la ma do muhakeme bikerê. Ma do hesabê embazanê xo yê şehîdan û hesabê pêro qirkerdişanê kurdan bipersê.''