Hêzanê Demokrasîyî û Kede yê Dêrsimî seba wendekara zanîngehî Gulîstane Doku ya ke tira xebere nêna girewtene û serebûtê îstîsmarî yê 15 domanan o ke qezaya Pêrtagî ya Dêrsimî de ame meydan siba do nawnayîşêk serûber bikerê. Nawnayîş bi şîara ''Ma do rayîr nêdê pûçîye. Ma wayîrê domananê xo, şaristanê xo û ameyoxê xo vejîyenê.'' saete 10:00 de Meydanê Seyîd Rizayî de do dest pêbikero.

Sereka Şubeyê Dêrsimî ya Konfederasyonê Sendîkayanê Karkeran ê Şorişgêran Şukrane Yilmaz  vist vîrî ke Dêrsim de wextanê peyênan de serebûtê tacîz, tecawuz û vînbîyayîşî zaf yenê meydan û vat: "Ma ganî vera nê serebûtan bêveng nêmanê. Eke ma bêveng bimanê ma verê ameyoxê komelî zî gênê. Coka nawnayîşê ma girîng o. Ma pabeyê her kesî yê."

 Yilmaze îfade kerd ke Baroyê Dêrsimî, HDP, CHP, Federasyonê Şaran ê Demokratîkan û pêro hetê komelî do tewrê nawnayîşî bibê û bi nê hawayî nawnayîş bibo platformêko ke do her kes bîyaro têhet.