Derheqê rojnameger Azîz Oruçî de serra 2017î de bi bahaneya parekerdişanê ci yê medyaya komelkî bi îdîaya ''propagandaya rêxistine'' dewa amebî akerdene.Roniştişo 9. yê dewaya Oruçî ame dîyene.

Oruç bi rayîrê SEGBÎSî tewrê mehkeme bi. Avûkatê Oruçî Ferhat Kilinç zî mehkeme de amade bi û temsîlkarê Amedî yê Sendîkaya Rojnamegeran ê Tirkîya Mahmut Oral zî dewa teqîb kerde.

Oruçî pawitişê xo de îfade kerd ke ey medyaya komelkî ser o xeberê xo pare kerdbi û bale ante ser ke çira parekerdişanê serranê 2014-2015î ra nika yeno sucdarkerdene.

Oruçî û avûkatê ci waştişê beraatî kerd.

Heyetê mehkeme bi îdîaya propagandaya rêxistine seba Oruçî cezaya zîndanî ya mabênê 10 mengan û 5 serran waşte.

Avûkat Kilinçî seba pawitişî wext waşt û dewa taloqê 3ê adare ameye kerdene.