Dewa Meskenî ya qezaya Mîdyadî ya Mêrdînî de 21ê teşrîna peyêne de serqoricî Akçay Şîrîn û birayanê ci Veysî û Mahsum Akçayî Musa Çelîk qetil kerdbi.

Cenazaya Çelîkî vizêr hetê keyeyê ci ra ameye girewtene. Raporê otopsî de ame vatene ke bi çeke ameyo kiştene. Gama ke cenaza ameyêne definkerdene serqoricî û wird birayê ci ameyî destbendkerdene û bi sûcdarîya ''cara kiştişî'' ameyî tepiştene.

Serqoricîyî badê qetilkerdişê Çelîkî medyaya sanale de fotografê ke tede kesê çekdarî estê pare kerdbî, sondê girêdayîya dewlete wendbî û tehdît kerdbi.