Amed, Îstanbul, Adana,  Wan û Mersîn de Nobetê Edaletî yê ke çarçeweya hemleya  ''Abdullah Ocalanî rê azadîye, meseleya kurdan rê çareserîya sîyasîye'' de dîyayî destpêkerdene, dewam kenê. Merdimanê tepişteyan bi Nobeta Edaletî kewtê serrî newî.

Amed de nobeta ke banê DEM Partî yê qezaya Rêzanî de yena kerdene, ewro xeylêk kesî tewrê ci bîyî.  Çalakwanan reyna waştişê azadîya Abdullah Ocalanî û tepişteyanê sîyasîyan ard ziwan semedê xurtkerdişê têkoşînî veng da. Çalakîye bi deyîranê kurdkî û slogananê “Bijî berxwedana zindanan” dewam kerde.

Wan de zî Nobeta Edaletî roja 28ine de banê DBPyî yê bajarî de dewam kena. DEM Partî ra xeylêk kesan çalakwanî zîyaret kerdî. Çalakwanan vîstvîre ke têna Abdullah Ocalan eşkeno haştîye bîyaro û vat ê do heta wadaritişê tecrîdî têkoşînî bidomnê. Çalakîye bi slogananê “Bijî berxwedana zindanan” û "Bê Serok jiyan nabe" dewam kerde.

Reyna çalakîyanê Îstanbul, Adana û Mersin de bale ameye antene tecrîdê Îmraliyî û zextanê zîndanan ser û azadîya Abdullah Ocalanî û tepişteyanê sîyasîyan ameye waştene.