Bajaranê Stockholm, Goteborg, Malmo, Uppsala, Heisîngborg, Trolhattan Bora û Orebroyî  yê Swêdî de semedê protestokerdişê hêrişê îşxalî yê dewleta tirke yê vera Rojawanî çalakîyê boykotê turîzmê Tirkîya ameyî kerdene.

Çalakîyê ke rayberîya Komîteya Rojawanî de ameye organîzkerdene bi hawayêkê hemwextî verê buroyanê Resia ya ke bîletanê teyarayan ê seba Tirkîya roşena de ameyî kerdene. Çalakîyan de bi pankart û fotografan qirkerdişê dewleta tirke yê vera Rojawanî ameyî ramojnayene û ame waştene ke wa turîzmê Tirkaya bêro bokotkerdene û çew nê sûcê ci rê hetê maddî ra hempar mebo.

Aktîvîstan ra Wilwa Andersson a ke ANFyî rê qisey kerd vat: ''Tirkîya heme pêkerdişanê mîyanneteweyî bipay kena û hêrişê Rojawanî kena. Ma semedê protestokerdişê nê hêrişan çalakî virazene. Dewleta tirke pîya bi çeteyan DAÎŞî vera şarê Rojawanî qirkerdişan kena, ganî destûr naye medîyo. Bi nê çalakîyan ma wazenê ke wa şarê Swêdî bi turîzmî paştî medo qirkerdişanê Tirkîya.''

Badê çalakîyan Komîteya Rajawanî medyaya sosyale ser ra da zanayene ke Resîa  semedê bêtesîrkerdişê çalakîya polîsan ra hetkarî waşte. Ame vatene ke reya verên a ke ê çîyo wînayên kenê no zî yeno no mana ke înan zirar kerd o. Komîte vat çalakîyê ma do dewam bikerê.