Bajarê Basel û Luzernî yê Swîsre de vizêr reyna Kurdistanijî û dostî vejîyayî kuçeyan û xespkeridşê şaredarîyanê Amed ,Wan û Mêrdînî yê HDP’yî û hêrişê vera Başûrê Kurdistanî şermezar kerdî.

Bajarê Luzernî de rayraşîyayîşêko merkezî ame viraştene. Seranserê Swîsre ra Kurdistanijî tewrê çalakîye bîyî û hêrişê hukmatê AKP’yî yê vera Kurdan şermezar kerdî.

Bajarê Baselî  de zî rayberîya ciwanan de bi çalakîya bêîtaatîya sivîle hêrişê dewleta Tirkî yê vera Kurdan ameyî şermezarkerdene. Çalakîya ke hetê Têgêrayîşê Ciwanan ê Şorişgêrî ra ameye organîzekerdene  de derbeya qeyûmî û hêrişê îşxalî yê vera Başûrê Kurdistanî  ameyî şermezarkerdene. Ciwanan bi pankart û sloganan xespkerdişê şaredarîyanê Amed, Wan û Mêrdînî û operasyonê îşxalî yê vera Başûrî şermezar kerd û waşt ke hêrişê vera Kurdan bêrê vindarnayene.