Endama Komîteya Zindanan a PAJKî Rozerîne Ocalan dîyar kerd ke seba Têgêrayîşê Azadîya Cinîyan ê Kurdîstanî pîlêr beno û pêro dinya rê beno çimeyê îlhamî, cinîyanê zîndanan bi têkoşîn û bedelanê pîlan rolêko pîl kay kerdo.
Endama Komîteya Zindanan a PAJKî Rozerîne Ocalan bi wesîleya 8ê Adare ajansê ma rê qisey kerd.
Rozerîne îfade kerd ke seserra 21ine do biba seserra cinîyan û vat: ‘’Rayber Apoyî vatibi ke seserra 21ine do biba seserra azadîya cinîyan. Rayber Apoyî serranê 90an de vatibi ke ganî şorişê Kurdîstanî bibo şorişê cinîyan. Nê dewrî de ganî ma bizanê ke sey çalakîyanê demokratîkan çêrîya grevê vêşanîye nîşandayîş asan nîya.
Sîstem nêeşkeno enerjîy cinîyan heps bikero. Rayberîye 1998 de bi qerardarîya azadîya cinîyan vejîyabî werte.
Seba ke Têgêrayîşê Azadîya Cinîyan ê Kurdîstanî pîl bibo û seba dinya bibo çimeyê îlhamî, cinîyanê xoverdayoxan ê zîndanan bi têkoşîn û bedelan rolêko pîl kay kerdo. Dinya de kamca de şer est bi hêverî zerar da cinîyan. Dewleta tirke şar, têgêrayîş, gerîlayan, domanan û xozaya Kurdîstanî qir kena. Vera ney serkêşîya YJA-Starî zî xoverdayîş pîlêr beno.
Ganî emser şayîyê ma yê 8ê Adare cîya bibê. Ganî ma wayîrê nê prosesî vejîyê. 10 serran ra dima ma Rayber Apo dî û ney kelecanêko pîl da ma. Sey cinîyan ma tewrê vengdayîşê ‘Haştîye û Komelê Demokratîkî’ yê Rayber Apoyî benê. Ma do têkoşînê xo pîlêr bikerê.’’
