Mehmet Emîn Ozkano ke çarçewa newe ra muhakemekerdiş de Mehkemeya Cezaya Girane ya 7ine ya Adana de roniştişê ci ame kerdene, rena veranêdîya.

Ozkan zîndano ke sey rehîn tede yeno tepiştene ra bi sîstemê SEGBİSî tewrê mehkeme bi. Avûkatanê ci Yakup Ataaş û Tugay Bekî zî mehkeme de cayê xo girewt. Bado ke serekê mehmeke pers persa, gardîyano ke kişta Ozkanî de yo vat o nêeşkeno şima fehm bikero û vengê şima nêşino ci.

Avûkatan bale ante nêweşîya ey ser waşt wa bêro veradayene. Heyetê mehkeme ke waştişê avûkat red kerd, vat Dewaya Licê ya ke Mehkemeya Cezaya Girane ya 1ine ya Îzmîrî de yena vînayene, hema nêqedîyaya. Mehkeme qerarê dewamê tepiştişî yê Ozkanî da û roniştişo bîn 21ê kanûne rê peyde eşt.

Mehmet emîn Ozkan 83 serre 1993 de qezaya Licê ya Amedî de bi îdîaya ke Fermandarê Herêma Cendirmeyan Bahtîyar Aydin kişto cezaya muebede rê mehkum bi. Rixmo ke eşkera bi têkilîya ci pê nê serebûtî çin o Ozkan 25 serre yo tepişte yo.