Bado ke dewa Peyindasî ya qezaya Tetwanî ya Beldîsî de mabênê Gerîlayanê Azadîye yê Kurdîstanî û artêşa tirke de 10ê tebaxe de pêkewtiş qewimîya, leşkeranê tirkan 8 dewijî destbend kerdî û 5 rojî qeraqol de tepiştî.

Serkan İpek, Kerem Avras, Heybet Çelik, Veli Çelik, Mustafa Tedbirli, Necip Tedbirli, Garip İpek û Hikmet Tedbirli badê îfadeyê sewqê mehkeme bîyî. Mehkeme de Mustafa Tedbirli, şivanê dewe Garip Îpek û Kerem Avraso ke bi îşkenceyî amebi destbendkerdene bi îdîaya ''hetkarîya rêxistine'' ameyî destbendkerdene. Dewijê bînî bi şertê kontrolê edlîyî ameyî veradayene.