Vîrusê Korona yo ke menga kanûne de şaristanê Wuhanî yê Çînî de vejîya werte û 170 welatan ra zafêr welatan ra vila bîyo dinya tehdît keno. Virusê Korona ke tira bi hezaran kesî merdî de rewşa peyêne wîna ya:

Tirkîya

Selahîyetdaranê Tirkîya da pêhesnayene ke hûmara kesanê ke tede virusê Korona ameyo tesbîtkerdene bîye 47 la yeno vatene ke hûmara zafêr a. Dewleta tirke da zanayene ke înan firdayîşê Ewropa dayî vindarnayene û kesê ke ewro heta şan wextê înan esto agêrê Tirkîya do 14 rojî bigêrê karantîna.

Iraq

Iraq de Başûrê Kurdîstanî zî tede peroyê welatî de heta nika 154 kesan de virusê Korona ame tesbîtkerdene û 11 kesan Korona ra dinyaya xo bedilnaye.

Îran

Îran de çarçewa têkoşînê vera virusê Korona de 85 hezar hukmkerdeyî zîndanî ra sey demdemî ameyî veradayene. Mîyanê nînan de tepişteyê sîyasîyî zî estî. Reyna zîndan de vera janî tedbîrî ameyî girewtene. Wezîrîya Weşîye ya Îranî da zanayene ke hûmara înanê ke tede nêweşîye ameye tesbîtkerdene resayê 16 hezar û 169 kesan. Hûmara merdeyan bîye 988. Êyê ke nêweşîye ra bîyî weşe û nêweşxane ra vejîyayî hûmara înan  zî resaye 5 hezar û 389.

Kibris

Vakurê Kibrisî de kesêkê bînî de virsus ame tesbîtkerdene û hûmare bîye 7. 5ê înan turîst ê.

Almanya

Almanya de hûmara kesanê ke  nêweşîya Korona girewte resaye 6 hezar.  Enstituya Robert Kochî ya Almanya ya ke hêver virusê Korona sey tehlukeyê şenikî name kerdbi da zanayene ke no virus seba şarî tehlîkeyo gird o.

Amerîka

Amerîka de nizdê 5 hezar kesan nêweşîya Korona girewte, nizdê 100 kesan dinyaya xo bedinaye. 50 eyelatanê Amerîka ra 40 eyaletan de rewşa îstîsnayî ameye îlankerdene.

Kanada

Kanada de 441 kesan de virusê Korona ame tesbîtkerdene û 4 kesanê dinyaya xo bedilnaye. Xerîbê ke heqê roniştişî yo daîmî yê înan çîn o rê dekewtişê welatî ame qedexekerdene.

Fransa

Fransa de 16ê adare ra nate 6633 kesan de virus ame tesbitkerdene û 148 kesan dinyaya xo bedilnaye. Seba ke virus vila mebo vengdayîşê tebernêvejîyayîşî ame kerdene û seyehatî ameyî qedexekerdene.

Hollanda

Goreyê eşekrayîya Wezîrîya Weşîye ya Hollanda ya ke vizêr ameye dayene  hûmara nêweşan 24 saete de bîyî dilab resaye 413 û 24 kesan dinyaya xo bedilnaye.

Belçîka

Belçîka de 185 kesan de virusê Korona ame tesbîtkerdene hûmare temamî de bîye 243. Heta nika 10 kesan dinyaya xo bedilnaye. 361 kesî nêweşxaneyan de tedawî vînenê înan ra rewşa 79 kesan giran a.

Îngîlîstan

Îngîlîstan de kesê ke neweşîye girewte hûmara înan bîyî 1543 û hûmara erdeyan redaye 20.

Taylan û Komboçya

Taylan de 30 kesê bînî nêweş kewtî û hûmare bîye 177. Zafê înan Bangkok de yê. Kombaçya de hûmare nêweşanê Korona bîye 24.

EURO 2020 pey de ame eştene

Federasyonê Futbolî yê Norveçî da zanayene ke EURO 2020 pey de ame eştene. Turnuva do serna 11ê hezîrane-temuze de bêro kerdene.