Wan û Stenbol de operasyonê qirkerdişê sîyasîyî
Merkezê Wanî û 8 qezayanê ci de sereştişê keyeyan de 17 kesî ameyî destbendkerdene. Stenbol de zî hemserekê ESP’yî zî tede xeylî kesî ameyî destbendkerdene.
Wan û Stenbol de çarçeweya operasyonanê qirkerdişê sîyasîyî de xeylî kesî ameyî destbendkerdene.
Merkezê Wanî û 8 qezayanê ci de seatenê serê sibayî de bi sereştişê keyeyan de zafê înan endamê Kongraya Cimatî ya Demokratîke (KCD) û Partîya Şaran a Demokratîke (HDP) 17 kesî ameyî destbendkerdene. Nameyê kesanê ke ameyî destbendkerdene wina yê: Hemserekê HDP’yî yê Qelqelîya Bûrhan Atmaca, Nesbîe Akdage, Fîkret Dogan, Mehmet Saît Karabiyik, Fatîh Şahîn, Hasan Guven, Abdullah Keleş, Vayhettîn Ûca, Etugrul Korkmaz, Esra Babûre, Şefîk Ûmmaz, Dîlan Yildize, Bahattîn Yavûz, Seyît Kiliç, Tahsîn Aktî, Veysî Aktî, Mûhsîn Aladag.
Stenbol de zî hêrişê vera Partîya Eciqnayeyan a Sosyalîste (ESP) de Hemserekê Pêroyî yê ESP’yî Şahîn Tumuklu, sereka partîye ya bajarî Pinar Turke û endamê merkezê partîye Huseyîn Îldan û Savaş Başak ameyî destbendkerdene.
