Kesê ke Xelatê Rojnamegerîye yê Çapemenîya Azade û Mûsa Anterî girewtî, ameyî aşkere kerdene. Xelatî do roja Şeme bi merasîmêk bêrê dayene.

Musabaqa de beşê xeberanê Tirkî de, jurîyî xelate daye 2 kesan. Ajansê Mezopotamya ra Ahmet Kanbalî bi xebera xo ya derheqê qeyûmî û rojnameyê BirGunî ra zî Huseyîn Şimşekî zî  bi xebera xo ya derheqê xelisyayîşê domanan de ser kewto. Euronewsî ra Rabia Çetine zî bi xebera xo ya derheqê multecîyande  xelata jurîyî girewte.Beşê xeberanê Kurdkî de zî Gokhan Altayî bi xebera xo ya “Qeyûmên Sîlopiyê erdên aîdî şaredariyê bi erzanî firot rêveberên AKP’ê” bi yewîn. Beşê xeberanê Cinîyan de zî jurîyî xelata jurîyî sernameyê ronamegeranê cinîyan ê mehkuman dayo edîtora Jinnewsî Kîbrîye Evrene. Jurîyî emser xelata Rûmetî zî daye. Xelata Rûmetî daye 3 kesan; Huseyîn Aykol, şaîr Hicrî Îzgoren û Avûkat Ozcan Kiliç. Beşê xelata fotografan de zî muhabîra Jinnewsî Rojda Aydine, bi fotografê xo yo Ablûqa û Xoverdayîşê Cinîye "Abluka ve Kadin Direnişi" xelate girewte. Beşê karîkaturan de zî Aşkin Ayrancioglu xelate girewte.