Bado ke Xatpêt de bi girdîya 6.8 de erdlerz qewimîya kîrayê banan bîyî dilab. Kîrayê ke verê erdlerzî mabênê 500 û 700 TL de bedilyayene, badê erdlerzî  hezar ra heta hezar û 400 bîyî berz. 

Seba ke badê erdlerzî ban vînayîş bîyo zehmet hemwelatijî tengayî ancenê û hetê bînî ra wayîrê banan naye sey firsetêk vînenê kîrayî kerdî berz.

Serekê Komeleya  Emlakkaran ê Xarpêtî  Hakan Albayrakî vera naye hêrsê ard ziwan û vat: '' Verî gama ke erdlez bîyêne vatêne dizd keweno keye. Nika dizdî bîyî biedeb. Heta nika dizdîye nêbîya la tay çîyê ke dizdan nêkerdî tayî şexsî kenê.'' Albayrakî vist vîrî ke şaristan de tengayîya konutan esta û vat: ''Merdimî çîyenê û hewceyê ma konutan esta. Her hetî ra ma rê hetkarî yena seba erdlerzî la şarê ma yê şaristanî kîrayan keno zêde, raşta zî eybo. Mexdurê erdlerzî nika hetê wayîranê banan ra benê mexdur. Merdimî no serd û sipir de teber de rakewenê. Wayîrê banan keyeyanê xo germinan de yê û mexduranê erdlerzî reyna mexdur kenê. Ma do testûr na dizdîye nêdê.''