Serekwekîlê Gruba HDP'yî Sarûhan Olûç, parlamenterî Garo Paylan, Meral Daniş Beştaşe, Hîşyar Ozsoy, Remzîye Tosûne, Semra Guzele û Mûsa farîsogullari, hemşaredarê Bajarê Pîlî yê Amedî yê Partîya Şaran a Demokratîke (HDP) Selçûk Mizrakli pîya bi şarî vernîya şaredarîye de binê ablûqaya polîsan eşkerayîyêk daye.

Serekwekîlê Gruba HDP'yî Sarûhan Olûçî vist vîrî ke çalakîyê înan ê meşruyî kewtê roja pancine û va: ‘’Îqtîdarî sucêko gird kerd. Hukmat nê sucî plankerde viraşt û suco plankerde hîna gird o. Înan suco tewr gird kerd. Îradeyê şarêk xesp kerd. Na derbeyêka gird a. Destseranayîşê şaredarîyan ê 19’ê Tebaxe derbaya sîyasîya hîrêne ya. Ma do vera na derbeye mucadeleyê xo yê meşrû rê dewam bikerê. Şar heqê xo yê meşrû canêverdeno. Ma do bêîtaatîya xo ya sivîle ramojnê.’’