Çalakîya protestokerdişê xespkerdişê şaredarîyanê Amed, Wan û Mêrdînî yê HDP’yî rixmê hêrişan dewam kenê. Amedijê ke wayîr îradeyê xo vejîyenê û qeyûman nas nêkenê roja 11’ine de  reyna kuçeyan de yê.

Xoverdayîşê Amedî yo ke 10 rojî xo dîma verdayî dewam keno. Kîtle reyna Kuçeyê Lîse de ame têhet. Mîyanê grûba çalakgere de parlamterê HDP’yî Feleknaz Ûca, Salîha Aydenîze, Mûstafa Farisogûllari, Dersîm Dage, Îmam Taşçier û Erdal Yildirim zî estî. 19’ê Tebaxe ra nata her roje Amed de mabenê 11:00 – 13:00 de çalakîya roniştişî yena viraştene û vera xespkerdişê îradeyî mesajê xoverdayîşî yenê dayene.