Amed de çalakîya roniştişî ya ke vera xespkerdişê şaredarîyanê Amed, Wan û Mêrdînî ameye destpêkerdene roja 13’ine de dewam kena.

Çalakîya ke Kuçeyê Lîse de yena viraştene ewro zî bi slogananê, ‘Amed ê ma yo‘ û  ‘Ma do bi xoverdayîşî ser bikewê‘ ameye destpêkerdene.  Parlamenterê HDP’yî Ayşe Acar Başarane, Remzîye Tosûne, Salîha Aydenîze, Feleknaz Ûca, Dersîm Dage, Semra Guzele, Hîşyar Ozsoy û Ahmet Şik, Mayê Haştîye, aktîvîstê TJA, hemşaredarê Şaredarîya Bajarê Pîlî yê Amedî Selçûk Mizrakli û hemşaredarî Bajarê Pîlî yê Mêrdinî Ahmet Turk zî tewrê çalakîye bîyî. Çalakîye do saete 13:00 de bi eşkerayîya çapemenîye dewam bikero.