19’ê Tebexe, roja xespkerdişê şaredarîyanê Amed, Wan û Mêrdînî yê HDP’yî ra nata rixmê heme hêrişanê polîsan  çalakîyê wayîrvejîyayîşê îradeyî dewam kenê.

Amed de roja 15’ê  xoverdayîşî de reyna Kuçeyê Lîse de çalakîya roniştişî bi slogananê serkewtişî ameye destpêkerdene. Parlameterê HDP’yî, Mayê Haştîye, aktîvîstê TJA û hemşeraderê Bajarê Pîlî yê Amedî Selçûk Mizrakli tewrê çalakîye bîyî. Çalakîye de kursîyê şarî ame ronayene. Amedîjî hem kursî de razînêbîyayîşê xo anê ziwan hem zî şîîr wanenê û deyîranê xoverdayîşî vanê. Yeno pawitene ke hemsereka pêroyîyî ya EMEP’î Selma Gurgane û Grûbe Xoverdayîşê Cinîyan ê Amedsporî tewrê çalakîye bibê.